اللقاء الـ30 لملتقى أبناء الخليل في الأردن

 

( إحنا اللي جعنا )

---------------------

إحنا اللي جعنا و توجعنا ..

و انتوا الوجع اللي بيوجعنا ,

ياما شكينا و احتجينا ..

لكن ولا حد بيسمعنا ,

و لما صرخنا من الجوع ..

صار صوت السوط مسموع ,

وصار يمشي الزمن رجوع ..

ورجع السيد يقمعنا ,

يا زمان الإستعباد ..

الناس باعت الأولاد ,

وصرنا عبيد الأسياد ..

و أكيد إحنا كمان انبعنا ,

و انتو اللي سرقتوا جاجتنا ..

و الجاجة كانت حيلتنا ,

باضت و البيضة بيضتنا ..

و البيضة كان فيها الصوص ,

و لمّا جعنا أكلنا الصوص ..

شرشحتونا و قلتوا لصوص ,

و جرجرتونا لعند القاضي ..

و احنا شرحناله و عالفاضي ,

و القاضي ما بيعرف أبوه ..

بيعرف بس اللي حطّوه ,

و القاضي ممنوع ينصفنا ..

و اذا أنصفنا .. بتحكاموه !!!

القصة مش قصة صوص ..

القصة لوايح و نصوص ,

لازم تتغير النصوص ..

لازم تتغير النصوص ,

إحنا اللي جعنا و توجعنا ..

و انتوا الوجع اللي بيوجعنا ,

ياما شكينا و احتجينا ..

لكن ولا حد بيسمعنا ,

محمد العقيلي _ من مسرحية : ( أوبرا القروش الثلاثة ) .